Տեսողական համակարգը կարող է երբեմն ,,վերագործարկվել,,: Սա ապացուցում է Մասաչուսետսկի տեխնոլոգիական ինստիտուտում իրականացված հետազոտությունը: Ամբլիոպիան կամ ,,ծույլ աչքը,, հանդիսանում է թույլ տեսողության բավական տարածված պատճառ երեխաների մոտ: Դրա ուղղման համար ակնաբույժները, որպես կանոն, ուժեղ աչքի համար օգտագործում են որևէ փակող հարմարանք կամ ատրոպին՝ ստիպելով երեխային օգտագործել ծույլ աչքը: Ազգային գիտությունների ակադեմիայի մասնագետների կողմից հրատարակված նյութում մասնագետները փորձարկում են ծույլ աչքի տեսողության զարգացման հետևյալ մեթոդը՝ ժամանակավոր ապաակտիվացնում են ցանցաթաղանթը անզգայացման միջոցով: Մոտեցումը տրամաբանական է, քանի որ անջատելով համակարգիչը և տալով վերագործարկման հնարավորություն, ասես վերականգնվում է համակարգչի աշխատանքը: Նոր հետազոտությունը ցույց է տվել, որ աչքի ժամանակավոր անջատումը, այսինքն տվյալների մուտքագրման անջատումը դեպի ուղեղ, թույլ է տալիս աչքին, այսպես ասած, վերադառնալ կյանք: Անզգայացման դադարեցումից հետո հետազոտողները նկատեցին, որ նախկինում ավելի վատ աչքի տեսողությունը վերականգնվել է առանց ուժեղ աչքի համար որեւէ հետեւանքների: Ըստ հեղինակ Մինգ Ֆայ Ֆոնգը, ով աշխատում է Պիկովեր ինստիտուտում, հետագայում մասնագետները ստուգեցին արդեն հասունացած կենդանիներին և պարզեցին, որ այս տեսողական վերականգնումը մշտական է: